عون:إلى الشارع يللا!
كَتبَ إبرهيم ميم:
أما وبعد أن خطب باللبنانيين وباللبنانيات
واختصر لهم ولهن مشهد الإسعافات الأولية الضرورية لحكم دولة القانون والمؤسسات،
آثر الجنرال المتقاعد منذ أكثر من ستين سنة وربع، على دعوة أبناء وبنات الوطن
المزيف إلى التظاهر غداً...
Well well، قال الكائن الهارب من الجارور*
والطاقق من الضحك على دعوات التظاهر، التي باتت تشبه حفلات شواء اللحم...
"بدك نتظاهر؟ عال سوف نتظاهر، بس يا
عبقور مش لازم تخبرنا حضرتك عن البرنامج المرحلي للتظاهرة، باعتبار أن التظاهرة
تحمل مطالب، أو نسيت البرنامج وصار فيك متل جماعة طلعت ريحتكم..."
"طيب ضد مين عم تتظاهر؟ ضد الحكومة!
ولي شو عم تستهبلنا؟ ما انت بالحكومة وشريك بالأرباح!؟"
"بدك انتخابات نيابية قبل
الرئاسية؟" يا أخي بلا جعدنة!
بدك ننزل عالشارع ونتظاهر والشباب يتعرفو
على صبايا والعكس صحيح، وينادو بالتصحيح وبالإصلاح تبع النظام؟
شوف Mon General، بدك تروق شوي، هيدا النظام
"بح" أفش بقا نظام، فـ "ما تروحش تبيع الميا بحارة السقايين
آه...على مين على مين على مين.......
ملاحظة: اليانسون منيح يا جنرال عالريق كل
يوم!
كلمة أخيرة: إنضب إنت وجماعتك والباقيين كمان لازم ينضبوا!
*لمراجعة مسيرة الكائن الهارب من الجارور على هذا الرابط:
No comments:
Post a Comment